Gulmurodov Nurbek haqida

Pastdarg‘om tumani 23-son Bolalar musiqa va san’at maktabining An’anaviy xonandalik yo‘nalishi o‘quvchisi Gulmurodov Nurbek o‘zining iste’dodi, yoqimli ovozi va milliy musiqa san’atiga bo‘lgan muhabbati bilan turli ko‘rik-tanlovlarda faol ishtirok etib, g‘oliblikni qo‘lga kiritib kelmoqda.

U o‘zining yuksak ijrochilik mahorati, sahna madaniyati va tinimsiz mehnati bilan maktabimiz sha’nini munosib himoya qilib, ustozlari va ota-onasining ishonchini oqlab kelmoqda. Erishayotgan yutuqlari uning izlanishlari va ustozlarining fidokorona mehnati samarasidir.

Gulmurodov Nurbekka kelgusida ham yangi yutuqlar, ijodiy parvozlar va ulkan zafarlar tilaymiz. Muvaffaqiyatlari yanada bardavom bo‘lsin!